- 695 -

1444. Aug. 27. o. O.

Der liegnitzer Hauptmann und Hofrichter und die Landschöppen bestätigen einen Theilungsrecess zwischen Ranfeld und Seyfrid von Bronaw.

Ich Hentschil von Alczenaw hewptman vnd hoferichter zu Legnicz vnd dy lantscheppen doselbist Hannos Dresler, Johannes Hertreich, Vecencz Radeler, Niclas Clericus, Niclas Schulcz von Tyncz, Niclas Schulcz von Mertschitcz vnd Niclas Schulcz vom Newdorffe bekennen, das vor vns in gehegtem dinge Hannos Bronaw brachte vor mit den rechten Wilrich Bronaw, Jone Kakurka, Peter Kutschken vnd Merten Melyg vmbe eyn bekentnis; den wart is gegeben of das recht, das recht ist; dy bekanten, das czw czeiten Ranfelt von Bronaw vnd Seyfrid seyn bruder sich recht vnd redlichen gesondirt vnd geteilt hetten, do bey weren gewest Ranfeld Brockolz, der cleyne Paschkewicz von Grossindorff, Hannos Vnru von Rosisdorff vnd Paschkewitcz mit dem kromen halse von Minckewitcz vnd Ranfolt von Bronaw hette Seifride seym Bruder gegeben eyn sweyn, czwey achteil Haynisch bires vnd eyn pfert. Auch were en wissentlich, das Ranfelt von Bronaw hette off Seyfride seyme Brudere eylf marg geldis jerlichs czinses vnd wen em Seyfrid dy czinse jerlichen nicht richte, so hette her en mit dem pfendir von der Steynaw gepfant vnd dy pfant getreben keigen Kotczenaw. Auch wer en wissentlich, das Ranfelt von Bronaw Dammeraw ofgeloszen hette czum Rawden vor den alden herczoge Conrad von der Olsen, so hette Seyfrid von Bronaw em wedir of gelassen allis, das her hatte zw Kotczenaw vor herczoge Ruprecht zw Legnicz; das were en wissentlich. Gescheen am neesten donrstage noch Bartholomen, noch gotis geburt virczenhundert iar im virvndvirczigisten jare.

O. d. St. L. No. 382. Beide Siegel sind beschädigt

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866